Home
Recent News
Gallery
የሀረሪ ክልል ርዕሰ መስተዳድር አቶ ኦርዲን በድሪ በሀረር ከተማ ለሹዋሊድ ክብረ በዓል እየተደረጉ የሚገኙ ዝግጅቶችን ተመለከቱ። የሀረሪ ክልል ርዕሰ መስተዳድር አቶ ኦርዲን በድሪ ለሹዋሊድ ክብረ በዓል እየተደረጉ የሚገኙ ዝግጅቶችን ተዘዋውረው ተመልክተዋል።
Posted on 2024-04-17 06:33:37
የሀረሪ ክልል ርዕሰ መስተዳድር አቶ ኦርዲን በድሪ በሀረር ከተማ ለሹዋሊድ ክብረ በዓል እየተደረጉ የሚገኙ ዝግጅቶችን ተመለከቱ። የሀረሪ ክልል ርዕሰ መስተዳድር አቶ ኦርዲን በድሪ ለሹዋሊድ ክብረ በዓል እየተደረጉ የሚገኙ ዝግጅቶችን ተዘዋውረው ተመልክተዋል። ርዕሰ መስተዳድሩ ከቀናት በኋላ በታላቅ ድምቀት የሚከበረው የሹዋሊድ በዓል በሚመለከት በሀረር ከተማ ዋና ዋና መንገዶች የመንገድ ዳር መብራትና የማስዋብ ስራዎችን እንዲሁም የበዓሉ ማክበሪያ ስፍራዎች ላይ እየተደረጉ የሚገኙ ዝግጅቶች ላይ የመስክ ምልከታ አካሂደዋል። በጉብኝቱ ወቅት ርዕሰ መስተዳድሩ እንዳሉት የበዓሉ አከባበር በይበልጥ ባማረ መልኩ እንዲከበር እየተደረጉ የሚገኙ ዝግጅቶች የሚበረታቱ መሆናቸውን ገልጸዋል። የመንገድ ዳር መብራቶች ከዚህ ቀደም የነበረውን ችግር የሚቀርፍ እና የከተማውን ነዋሪ የምሽት እንቅስቃሴ ለማሳለጥና ለከተማዋ ድምቀት የሚሰጡ ናቸው ተብሏል፡፡ በየደረጃው የሚገኙ የክልሉ መንግሥት አመራሮች በዓሉ ባማረና በደመቀ መልኩ እንዲከበር በቅንጅት እየሰሩ የሚገኝው ስራ የሚበረታታ መሆኑን ገልጸዋል። በጉብኝቱ ላይ የክልሉ ርዕሰ መስተዳድር አቶ ኦርዲን በድሪን ጨምሮ ሌሌች የክልሉ አመራሮች ተገኝተዋል።
Total visitors: 1121
